死小丑

小丑要你死你就得死﹐因為佢有 GUTS。廣東話叫吉士﹐但吉士不是自信。勇者和痴線佬都有吉士﹐因為無所懼。你有自信但你唔敢辭職唔敢指住老細鬧佢﹐你都係無吉士。另外一個叫法﹐『夠 PORK』。等閒都會男女如我同你﹐又唔夠勇﹐但同時亦都痴 D 唔痴 D (痴唔晒)﹐永遠都唔夠 PORK。又有 D 人話﹐薑愈老愈辣﹐咁又係﹐都一把年紀﹐等死之餘都無太多其他顧慮。我未夠老﹐真係唔多夠薑。

小丑金句差不多人人都識背﹐WHY SO SERIOUS。配合 HEATH LEDGER 的表情﹐廣東話直譯就是：咁撚認真為乜。我信自由﹐我都信破壞好過建設﹐但我居然同樣信愛﹐但我居然同樣信人。我沒有吉士﹐我連自信都唔多貨仔﹐我唯獨就有好多個框。所以當我說我想做小丑﹐就是說我知道自己永世都做不了小丑。

應該

應該不說。應該不想。應該不問。應該不答。應該不好。應該不錯。應該不陷。應該不該。

後來說了﹐想了﹐問了﹐答了﹐好了﹐錯了﹐陷了﹐該了。應該不應該了。不應該應該了。記之曰忍﹐情非得已卻成放。

他們說﹐你不是你。我看著鏡子﹐見到那副不像自己的面孔﹐原來就是我自己。

白霧濛濛﹐我們試著在那近乎是盲目的狀態裡﹐行直線。把白玫瑰插雲端﹐應該可以很漂亮。