水準

有人說﹐時下年青人低能﹐唔掂；話題一轉﹐同一個人說﹐『咩林海峰嗰個咩超低能嘩真係超低能囉頂佢丫』﹐然後笑；然後同一個人再說自己『聽森美小儀果 D 囉﹐妖勁低能哈哈不過真係好好笑』﹐並補充︰『咩少爺占嗰 D 梗係唔聽啦咁低能﹐好似咩呀呀邊個呀嗰個阿鄒凱光嗰 D 好 D 囉﹐啫係起碼你有 D 料到呀嘛妖你有 D 水準咁先聽得o架妖你話係唔撚係喇。』

祟光四樓﹐我問售貨員老女人『我想借用個洗手間﹐請問o係邊o架』﹐老女人猶豫一陣﹐陰聲細氣反問『你係咪客呀』﹐我回答是﹐她安樂晒﹐口型四萬對我講『呀o車你係客就唔洗話借用啦問咪得囉哈哈哈廁所o係果度呀哈哈』﹐我神經反射回禮說『咁我都係禮貌 D 咁問啫』兼手指指講『屌妳』才滿意﹐才覺得可以衝去小便。

手足無措根本不可能動彈﹐大氣氛底下的我倒應該邊聽王菲唱 [白痴] 邊到街上自瀆一會兒﹐擦乾淨後就唔覺唔覺將紙巾鋪到你面上去。

里斯本

復活節假期其中的四天三夜，我一個人去到了里斯本（LISBON），原因是「好像有點布宜洛斯艾利斯（BRUNOS ARIES）」。一廂情願的虛構証據，想去令我一直感動的電影遺址去不成（其實是決心沒有放足夠），就折衷的選擇了位處西歐，「好像有點布宜洛斯艾利斯」的里斯本。要澄清一點，我認為這不算自作多情，最多不過是無中生有。

發現自己原來不喜歡看遊記﹐那就索性寫都慳番。用眼掃射圖片這個小活動可能會較易討您歡心﹐網址是 http://travel.webshots.com/album/558602970 ﹐有真人示範親手亂按快門的四百三十七張里斯本。(20070409)



順便閱讀連結︰有時﹐一個人 (20070410)

完份

大阪旅行，買菲林，雞手鴨腳又準備銀包準備錢提腳頂住個袋最緊要記得陪日本售貨員鞠躬鞠番夠本，雨摭跌落地。我想執起點知排後面日本人比較敏捷，佢執起遞俾我我一望佢，斯斯文文非常精緻好看，我接摭猛話係係係亞呢架墜；佢底頭，粉臉三十度下傾，猛話係係係，微笑。離遠行走咗成分鐘我仲望轉頭，以為自己眼力真係咁好；因為咁我開心咗半日。(20070625)