＜康熙來了＞，主題「藝人瞎買全記錄」。嘉賓，錢映伊，台灣高雄某「政商大家族」千金，極低胸。
錢小姐開始介紹佢買嘅嘢；一個閃石網球拍扣針：佢為咗送獨一無二禮物俾佢朋友，人哋全店一百三十六隻一樣樣嘅扣針俾佢一嘢掃晒。
一個已經唔係新鮮事嘅「理想對像警報器」。佢話喺日本買，賣俾佢果條友話妳自己有一隻就得㗎喇，對方唔洗有，咁當有正嘅男人經過時個嘢就會響。佢真係咁講。
然後係STARBUCKS嘅限量杯、限量儲值咭。唔係一隻或者一張，係好多隻杯仲有茶壼，係一本好厚、滿晒嘅咭簿。D咭都入滿額未用過。
而且D咭每張都有自己一隻好似襪咁大嘅套，可以套住。
日本小飛俠公仔。佢話，隻嘢會自己飛。但隻嘢唔洗入電。到佢明白隻嘢其實係唔曉飛之後，佢解釋，係賣俾佢果條友話隻嘢識飛。
佢仲有買國畫。二三十萬台幣兩張。佢話，賣俾佢果條友話係「中國／台灣十大畫家之一」畫嘅。
佢仲有儲郵票。佢，錢映伊，用五萬台幣，買咗一個面值五萬嘅孫中山像郵票。點解買，佢答話，因為果條友話會升值。
仲有BEN屎嘅郵票同埋BMW模型。佢買BMW模型嘅原因好似好MAKE SENSE：因為佢儲BEN屎嘅郵票，令到佢想買BEN屎嘅模型，但無，咁就買BMW。
未止㗎，但我寫夠喇。我求大家，一定要睇，對人生有一定幫助。
＜康熙來了＞ ﹣ 20080410 主題：藝人瞎買全記錄（上）PART2
PART3
PART4
8 則留言:
睇完,都唔知講咩好~唯有希望嫁過有錢人
喂不熟的朋友，我寫了字。
神探無獎呀~神探無獎呀~神探無獎呀~神探無獎呀~即刻想講粗口。
to gigi:
妳唔係羨慕呀嘛？唔好羨慕啦，係，係有好多水，但佢係好明顯無腦㗎喎。
to 陳穎：
我很有意識地，意識到自己是幾乎無意識地過生活。「珍而重之生活上平白的層次」，我想我是明白的 ﹣ 我都恨自己忙爆。因為忙的話，就沒有時間剩低，人就可以比較似一隻機械人，看上去會比較正常。
to 藍藍娜娜：
我何嘗唔想講粗口（原因是妳）。妳好心做壞事：我是在妳足有七個小時的後面啊！第廿六屆，捉蟲，手多的我一邊下載一邊看雅虎新聞，上面寫住「劉青雲稱帝」；第廿七屆，又是在下載的時候，有心人一句「神探無獎呀」，又係五個字又關劉青雲事，我又再次未看先知（講笑啫，但我反而想問妳有無睇漏睇唔晒個直播，因為有獎喎，贏最佳編劇都算係咁啦）。
..神探沒拿到，起碼在我心裡面，理應要有咁多獎呀。
我差點為著咁樣落淚咁滯，最佳編劇係神探最值得得到的獎項，如果連這個都沒有我可能會自殺。
是，輸給投名狀輸給李連杰還是輸給陳可辛?我搞不懂這個你愛的香港的在復甦未復甦之間的電影業。
對不起啦我心急留言，讓你想說粗口(回港後這句粗口再對我說吧！)，我的「神探」是指青雲，青雲無獎我意思啦。輸給jet lin真的極之想死的，我總是覺得三級片多少輸在起跑點，總是被目為小眾電影。又想起之所以三級是為了那場割耳戲，又諗起「出埃及記」中有人大叫「x我啦！」仲叫IIB，我就無名火起。
你好，從last.fm那邊過來，跟你打聲招呼。
怪獸上
to 陳穎，to 娜娜：
怎麼兩位如此看不開，也如此一致地心靈相通，要死呀... 一個「可能會自殺」，一個「真的極之想死的」，犯不著咁激吧（但肯定如果影帝劉見了兩位的留言會感動到「落淚咁滯」）。
我重看，是第三次，也是第一次非戲院看＜神探＞。仍然是十分愛，而且終於一百巴仙看明白了戲。輸給＜投名狀＞一干人等我倒沒有甚麼要抗議：我沒有喜歡＜投＞，但＜神＞實在偏鋒，也很難要求金像獎經常做很「爆」的事幹，像92黑玫梁家輝或者果陳香港製造。有說青雲上年沒有摘帝的話今年就實走唔甩，都是政治學，有排我哋學。
噢，關於出現「屌我丫，屌我丫」那句對白的那齣戲，其實我覺得被判 IIB 是守得雲開見月明 ﹣ 是我們這個扮晒開放其實放不開的香港的一件值得開香檳的盛事；反而覺得＜神＞被抬舉做三級電影，實在是，太「香港」了，也太抬舉了。
發佈留言