負

曹操發跡（起字頭／響朵）之前，經歷過一段著草的日子。人著草佢著草，佢著草途中誤殺好人冚家，居然仲有能本事爆肚而出一句寧教我負天下人休教天下人負我。天下間去邊到可以搵到多一個咁嘅人，能夠喺走佬緊避緊風頭嘅同時去縱容自己未紅先驕的質地，完全唔怕醜咁對全天下人講「喂你死好過我死呀大佬」。不愧是曹操，那股霸氣，幾乎教所有死在他劍下的人都要專程回魂返嚟向佢表示感激。

要夠豪夠邁，第一步就是不要怕負 ﹣ 唔係勝負個負，而係有負於人，白話D講就即係唔好怕唔好意思。見到地下有錢，應該點做，曹操會話 JUST PICK IT UP AND WALK。

你想做個所謂成功的人，這裡兩個方法。方法一，你個人夠符碌，就掂。一個極度極度好運的人還有甚麼問題成問題？不過如果你跟我們大部份人一樣，在運氣方面沒有太多天份的話，就唯有取方法二：向曹操虛心學習，模仿他的負LOOK ﹣ 在有著數執的地方，出陰招；但更更重要是，你將之不斷練習反覆應用，直至最後習慣成自然：即使在無著數的地方，在完全唔關自己事的地方，也出陰招。

負
1.to carry on the back
2.to bear
3.to lose; to fail
4.[Mathematics] minus; negative