社會係有朕除喺殊

中秋做節，某爸爸輩搞氣氛，考大家一條小學入學面試問題，話如果你老闆突然俾兩個選擇你揀，一個係今年加你十個巴仙人工，到下一年就減返十個，另一個就係調返轉，先減後加，咁應該點揀先為之正確。大家議論一輪之後佢終於開估，佢計晒兩條數俾大家睇證明兩條路到最後個銀碼係一樣，「但係梗係要揀先加後減，因為加咗嘅人工可以攞咗先，到下一年就唔做啦走啦」。眾人哈哈哈哈覺得好鬼抵死。哦原來重點不在數學，而係走精面，攞著數，算死草。呢條係小學入學面試問題，我希望佢係講笑，雖然就算係講笑嘅話其實都係無恥。小學都未開始，你老母個仔咁都答得啱嘅話，你當堂成個安樂晒啦，散席返屋企，我親耳聽住收音機入面陶傑講咗句「社會係有朕除喺殊㗎」，我笑咗啦我哈哈哈哈，我問你安樂唔安樂。