純綷勁抽

已經三次了，先是煙燒．魂散，接著是煙燒魂散，最後是煙燒 魂散。好似一樣又好似不一樣，我幾乎忘記了煙消魂散本來的寫法。四個字的三種不同組合，分三次在面書更新，我的想法是她無非是要大聲公告天下兩件事：一是不斷抽煙，二是煩惱不斷。看見朋友一隻手托著頭一隻手靈活地夾著煙，在香港靈魂出竅魂魄分體，都算有趣。

朋友茄墳三月尾遠走倫敦豪華散心，我當然捨命陪君子（唉唔知邊個陪邊個）。悶到慌的我自問算是個問題少年，遇見知心佬友自然把握一個禮拜的限期講唔停吹極仲有。被問題少年不斷發問之下，茄慢慢得出一個結論，而且是個可以讓他不斷翻啅以嚟應付我的結論。'YOU JUST TAKE IT (EVERYTHING) TOO PERSONAL.' 關你事果D你又自責，完全唔關你事果D你都自責。係丫個世界係好虛偽、好荒謬，我哋其實係無出口；但你自責乜鬼嘢啫，關你撚事？

「我細個就係咁，可以為一個幻想出嚟嘅不幸嘅人，對佢諗咗D唔好嘅嘢，而覺得內疚。呢D，對幻想產生內疚，係真正嘅幼稚；你對住一個活生生嘅人，能夠對佢無動於衷，呢D就叫做長大。」﹣ 黃子華（愈大鑊愈快樂）

之後我也跟茄講了關於我靠寫字寫出了一些越洋的了解的那個故事。茄一路聽一路笑出一臉慈祥，似慶幸他這個悶燥厭世的朋友總算抓住了點點「塵世間的」感動。我講完到茄講。茄，好淡然，就話，佢，陳WING，比你幸福十倍。你寫字你感動，咁係好事丫，開心丫係咪；但，佢寫字佢感動，唔止，佢仲有拖拍，有朋友，會出街玩 ﹣ 佢有生活喎。你有一種心靈溝通，但除咗咁你就無喇喎；人哋寫字就係咩呀，就係寫字囉，但你嘅「生活」就係寫字，咁你話喇。

不熟的朋友陳寫了三篇極極短篇，從數字出發，發表對一個人、兩個人、三個人，三種關係的三篇亂（隨）想。極鮮明的層次的分野。我原來，缺乏層次；這也應驗了我這些年來，厭悶自己的平。沒有不快樂，卻也沒有快樂。平白。其實也不是完全沒有快樂，有時甚至是激動 ﹣ 每當我想到畢業，可以返香港，做D好無空間好無發揮嘅好有香港精神嘅設計工，我就好HIGH。電話裡RECEIVED CALLS一欄，全部沒有一個不是，ANONYMOUS；否則就是UNKNOWN。因為我在這裡沒有生活，收到的電話都來自香港上海，以至到完全陌生的，美國。沒有倫敦。

看＜香港電影＞雜誌（我懷疑它會否已經摺了），王家衛說他只抽倫敦有售的B&H（金邊臣），兩三包 PER DAY。但他沒有死去，我甚至相信他其實蠻健康，因為他說他很多時只為點煙，只為過手癮，沒抽個兩三口可能已經燒完整支煙（但求煙霧彌漫你真浪漫）。所以王，是煙燒魂散；至於妳，可能不過也是個，煙抽魂散人安樂。


不熟的朋友的三篇極極短篇：
Chan_WinG - Saturday, April 05, 2008