以近乎侮辱的姿態去叫其他人生性，唔好睇咁多無線，唔好睇咁多雀聖十分愛，唔好覺得錢咁重要，生命，你個LIFE才是重要的東西，多思考。身邊人們由看不過眼直到放棄任何新的爭拗，被說服，有時走過嚟問你聽過青山黛瑪未，唔係嗰個日本人係何韻詩新歌，好啱你。黃偉文寫話，旁人話你悲哀，不過在你眼中清醒才悲哀，繁忙才悲哀。咪就係咁之嘛，人被其他人生出嚟又無得揀，到最後（假設你唔信輪迴）死又無得揀，咁成班人喺一個資本社會裡面一齊過同一種人生然後被人讚上進其實係為乜。我不知道，我完完全全不知道。
幾多人話唔想唔敢退休或者發咗F有五十億都一定要做嘢，「如果唔係都唔知做咩好」，言下之意係咪話做人我都唔想咁但係橫掂做開咁咪做囉。林夕對梵高說唱，求存人人明白。我開始有些許眉目。我開冷氣，蓋被子；我又去大吃美食，然後柯爛屎。反覆不斷地進行這些 INEVITABLE CYCLES OF BEING。對上一次寫字已經是十月十一日，踏入了事業歲月，是真的，我比以前明白多了。TO THINK OR NOT TO THINK, THIS MAY NOT BE THE QUESTION.
2 則留言:
Stranger, just think.
It's the greatest pleasure we can have. We were born to think. That's why we are what we are.
看妳留言我才想起﹐我畢業 PROJECT 叫 I SINK THEREFORE I AM﹐譯作中文應該是我下沉故我在。我SUPPOSE TO BE 一個 I THINK THEREFORE I AM 的人﹐但現實好快太快要我下沉﹐沉到個人溫下溫下懵盛盛走去話 THINK MAY NOT BE THE POINT OF LIVING﹐幻想型性格真係不堪一擊。
發佈留言