很難想像有一些人﹐你每次問近來怎樣﹐他就答你 i'm piece of shit (我是一顆屎) / in deep shit (深陷進屎裡去) / 勁唔開心囉。每次一樣﹐你一問﹐他們自會三選一來回應。重點是﹐他們絕不是口行行﹐他們的而且確在認真地告訴我﹐他們近來活在屎中央。
先假設他們沒有誇張自己的近況。我首先應該去祟拜他們 - 能夠每一天都活在屎裡﹐其實跟每一天走上街第一個見到的人都是大美女是一樣困難的。去澳門買廿鋪大細輸足廿鋪是真固極度、極度困難的一回事 (何況俗語那句也不是叫十賭十輸)。
無咁易嘅。生活裡充滿不公平是事實﹐但竟然有人開口埋口每一啖得到的都是屎﹐啖啖屎﹐對唔住﹐我唔相信。起碼我試過跟那些他們談天時﹐他們會講笑﹐會講事非。社會裡面無非就是有時你抽我水我又抽返你水﹐有時你讓我打尖我又讓下你唱容祖兒先。所謂的不公平極其量就是『我批得你 4 踭時但你咬我 8 嘢』。但對於那群屎人﹐他們只記得被抽水的畫面﹐但完全不為意自己曾經也有勾過人腳尾﹐俾過屎人食。
我是出了名看上去像不快樂的那種人﹐當然我無心勸人邁向『食咗屎都當自己無食到』的樂天境界 (可能果 D 唔係叫樂天﹐係真係痴咗)﹐都是那句老話﹐who the hell you think you are (你認為你是他媽地獄裡的那位呢請問)﹐想發達﹐無咁易﹐想唔病唔痛﹐好難喇；但﹐同樣﹐想每一日都絕頂超級勁勁喪灰爆炸唔開心﹐你估好易架﹐收皮啦﹐第世啦﹐門小你。
