電視廣告﹐一節對白如下。
男︰『又係番茄炒蛋？』
女︰『我諗爆頭都諗唔到煮咩好！』
以下是我能夠幻想出的其他十種答案。
(木無表情) 『係呀。』
(慚愧) 『係呀。』
(反問) 『咁係唔係一碟餸？係丫嘛？』
(釋出善意) 『我應承你下次煮第二樣啦好唔好？』
(嚴厲反問) 『好出奇呀？』
(好奇) 『唉吔乜你盲咗睇唔到嘢咩？』
『吊你唔撚好食囉！』 (拂袖而去)
(立刻拂袖而去)
(淡然) 『係呀。我以後都唔會咩都唔會再煮俾你架喇。』
(撒嬌) 『依也咁你知人哋唔叻煮嘢架啦﹐仲笑人哋。』
十款答案。因人而異。因對象而異。因心態 (當下感覺) 而異。因性格而異。而請容我提醒﹐問題也有十款﹐甚至十萬款﹐也因人、對象、心態、性格而有異。
